Tratamendua

Tratamenduaren ibilbidea honetan oinarritzen da: hondakinak berrerabiltzeko prestatzean, bigarren bizitza bat emateko ezinbesteko urratsa. Tipologia kontuan hartuta —ehunak, hondakin handiak edo TEEH (tresna elektriko eta elektronikoen hondakinak)—, materialak berrikusi, sailkatu eta, beharrezkoa denean, tratatu egiten dira, gure dendetan bigarren eskuko salmentara pasatu aurretik.

Horretarako, hiru tratamendu-planta ditugu. Horietako bi, Errenteriakoa eta Urnietakoa, Koopera erakundearekin lankidetzan kudeatzen dira, 2024an abian jarritako Aldi Baterako Enpresa Elkarte (ABEE) baten bidez. Elkartze horrek ekonomia zirkularrean eta gizarteratzean erreferentziazko aliantza estrategiko bat sendotu du. Planta horietan 2.400 kg hondakin baino gehiago kudeatzen dira urtean, instalazioek 4.000 m² baino gehiago dituzte eta 21 langilek egiten dute lan, horietako asko gizarteratze-prozesuetan. Bi planta horietaz gain, hirugarren bat daukagu Arrasaten, modu independentean kudeatua.