Mantentze-lanak

Mantentze-lanetako ibilbidea Konpongi markaren pean egiten da, eta EDE Fundazioarekin lankidetzan garatu da, Suspertu laneratze-enpresaren bidez. Gizarteratzen ari diren pertsonak eskaera handiko hainbat lanbide betetzeko prestatzen ditu, autonomia eta esperientzia praktikoa emanez.

Parte-hartzaileak hainbat arlotan trebatzen dira, hala nola oinarrizko elektrizitatean, iturgintzan, zurgintzan, igeltserotza txikian, pinturan eta lorezaintzan, eta, horrez gain, gaitasunak eskuratzen dituzte lekualdatzeetan, sareen instalazioan, gremioen koordinazioan eta obra txikien kudeaketan.

Horrela, profil balioaniztunak sortzen dira, erakunde, instituzio eta etxeetako benetako mantentze-beharrei erantzuteko gai direnak, enplegu-proiekzio handiko sektore batean.